Make your own free website on Tripod.com


NEW RULES FROM LAND TRANSPORTATION OFFICE (LTO)


Nagpalabas ng bagong alituntunin ang Land Transportation Office (LTO) para sa kaligtasan ng lahat ng nagpapatakbo ng motorsiklo sa mga lansangan. 

Ayon sa official administrative order na ipinalabas ni Assistant Secretary at LTO Chief Alberto Suansing, binigyan-diin na ang mga lisensya na may restriction Code No. “1” ay tanging driver/rider lamang ang puwedeng sumakay sa motorsiklo o scooter sa lahat ng oras. 

Ang iba pang alintunin na nirekomenda ng technical working committee sa pangunguna ni Engineer Joel Donato, hepe ng LTO-Motor Vehicles Inspection Section, sinabi nito na anumang oras, kailangang naka-switch on ang headline ng motorsiklo o scooter habang ito pinapatakbo sa hiway. 

“’Yung automatic head on sa mga motorcycle at scooter world rules ito,” ayon pa kay Suansing.

Sinabi pa ni Suansing na dapat hulihin ang driver kung hindi nagsusuot ng anumang protective devices gaya ng helmet, salaming de kulay, damit na may proteksyon, at leather boots, guwantes at kapote, makapal na jacket, at makapal na pantalon.

“’Yung boots at ibang heavy devices sa mga big bikes applicable ’yun. Gusto kong ding sabihin na ’yung rules na sinasabi namin dito ay applicable rin doon sa kanilang mga back riders,” ayon pa kay Suansing.

Sa panig naman ni Donato, sinabi niya na pinagbawalan ng LTO-MVIS ang mga may-ari ng motorsiklo para i-modify o baguhin ang kanilang sasakyan. 

Idinagdag ni Donato na para sa kaligtasan ng publiko, tinaasan pa ng LTO ang mga multa at parusa para sa mga lumalabag sa mga patakaran at regulasyon. 

Sinabi rin ni Donato na ang mga driver o ang mga angkas na hindi magsuot ng helmet ay pagmumultahin ng P1,500 at kailangang dumalo sa seminar para sa traffic safety na isagawa ng LTO.  

Para sa mga mag-angkas ng mahigit sa isa ay magmumulta ng P1,000.

Ang mga sirang accessories gaya ng headlight, tail light, signal light, brake light, side mirror at busina ay pagmumultahin ng P1,000 ang mga violators.

Ang pagbabago sa alinmang bahagi ng orihinal na disenyo ng isang motorsiklo na walang pahintulot mula sa LTO at DTI ay pagmumultahin naman ng P2,000.

Panghuli, ang nagsusuot ng flip flop, sandals o tsinelas ay may multang P500 para sa first offense, P700 para sa 2nd offense at P1,000 para sa 3rd offense at pagbawi sa lisensya ng nagmamaneho.